Nau Awih Hla hi Crime thriller genre huangah a dah theih anga, a film kalphung hi suspense-in a kaihruai a tih theih bawk awm e. Mi pahnih a thah hnuah pawh police-te chuan thualthattu chu an chhui chhuak thei tlat lo mai a, tualthattu chuan a sulhnu a thup thiam avang leh an hnu chhui lai hre ve ang maia a lo kal khalh zel avang chuan hnu chhuitute lu a tihai hle a ni. Sulhnu pakhat a hnutchhiah ziah thin, nau awih hla hmang chuan an chhui chhuak thei ta em? A tawpa he film inlumleh dan hmuhnawm tak chu mahni ngeiin en a, manhla tih chi a ni ang.
Rin lohna lam daihah a thawnthuin thlirtute a kaihhruai avang leh, en zawh ngei chakawma min siam avangin he film hi MIzo movie siam tawh zingah dah hniam a har hle awm e. A movie chhunga background music zawng zawng hi original, anmahni siam chawp vek a ni a, a movie mood-ah pawh mi a kaihruai lut hneh dawn viau niin a lang. Tin, he film danglamna chu a lighting hian he filmah hian awmzia a nei thui em em a, character tinte hi light hian an nihna a hrilh zel a ni.
Big Ticket Production feature film hmasa ber; 'Nau Awih Hla' hi Faka Hnamte Direct a ni a, Director of Photography hi Kevin Malsawmdawngzuala a ni. A changtute hi Tluangliana Hlondo leh Mji Ralte te an ni a, movie industry-a kan hriat lar sa, Hriatpuia Kion a inlan bawk a ni.
